"Хайваннар рэкеты”: Бауман урамы бәйләнчек “ишәкләрдән” котыла алырмы?

Бауман буйлап барганда бәйләнчек курчакларга юлыкмый калу - зур уңыш. Урам аниматорлары сезонының иң кызган чагында иҗтимагый префектура - Бауман урамындагы объект милекчеләре һәм җитәкчеләре - уртак тырышлык белән Казанның төп туристлык зонасын поролон атлардан, ишәк һәм зебрадан чистарту өчен түгәрәк өстәл артына җыелды.

«Казан сувенир компаниясе» нең башкарма директоры Вячеслав Вдовин хайваннар киемнәрендәге аниматорларның «Казан Арбатында» туристларга килеп бәйләнүләрен һәм алардан акча таләп итүләрен көн саен күзәтә. Һәм вәзгыять елдан-ел үзгәрми.

«Атлар» белән фотосурәтләрнең түләүле булуы турында турист соңнан гына белә. Кагыйдә буларак, алар бер фото өчен 300 сумга кадәр һәм күбрәк тә акча сорый. Әмма туристка күпме бирергә кирәклеген ясалган фотосурәтләр саны хәл итә.

Казан мэриясендә билгеләп үткәнчә, шәһәрнең аниматорларын җаваплылыкка тарту вәкаләтләре юк. Алардан, федераль законнар буенча, эшчәнлеккә рөхсәт алу таләп итми, шуңа күрә үз эшләрен шәһәр белән килештермиләр.

Шул ук вакытта, бу курчаклардан арыган кешеләр социаль челтәрләрдә проблеманы хәл итүнең үз тәкъдимнәрен әйтә, ә туристлар Россиянең өченче башкаласына бару турында шәрехләр язуын дәвам итә.