Хатын-кызны яшен сугып үтергән

Әлеге хәл 9 июньдә Ютазы районында була. Ютазы авылында яшәүче ике хатын-кыз кич белән таяклар тотып, скандинавия йөрешенә чыга. Шул вакытта яшенле яңгыр башлана. Яшен сугудан ике хатын-кыз да зыян күрә. Шуларның берсе, 61 яшьлек пенсионер, урында ук вафат була, ә аның дустын авыр хәлдә Урыссу район хастаханәсенә озатыла, дип яза "Баулы-информ".

Май ахырында Казан янындагы Куюки авылында яшен электр тапшыру линиясе баганасына китереп суккан иде. Шуның аркасында торак пункт утсыз калды.