КФУ профессоры Казанда аномаль эсселекнең күпмегә тоткарланачагы турында сөйләде
Августның беренче декадасында бездә температура нормадан 3-5 градуска югарырак иде, икенче декадада шул ук һава торышы көтелә.
Бу хакта КФУ профессоры, география фәннәре докторы Юрий Переведенцев хәбәр итә.
«Татарстанда августның беренче аномаль-эссе декадасы тәмамлана. Антициклон йогынтысы айның икенче яртысында да сакланыр дип көтелә. Якындагы декада республикада кызу булачак, аномалия 3-4 градус тәшкил итәчәк», - диде ул.
Шул ук вакытта җәйге айның икенче яртысында көннәр акрынлап кимүгә бара, төннәр озынрак һәм салкынча булачак. РФ Гидрометеорология һәм әйләнә-тирә мохитне күзәтү буенча федераль хезмәтнең ТР буенча Идарәсе хәбәр иткәнчә, сентябрь аенда да һава торышы җылы булачак.
Следите за самым важным и интересным в Telegram-каналеТатмедиа
Нет комментариев