Күңелемдәгесен әйтәм

Беркөнне социаль яклау бүлегенә барган идем. Ни гаҗәп, бәдрәфләрендә ут юк. Авылдан килгән өлкән яшьтәге абый-апалар керергә теләп карыйлар да, ут булмагач, кире борылып китәләр. Ә бит анда сәгатьләр буе чиратта утырасы. Биредә эшләүче хезмәткәрләрнең үзләрен караңгы бәдрәфкә йөртәсе иде, ачуым бер килмәгәе.

***

Шәһәрдә ут баганаларын алыштырдылар. Яңасын куеп, искесен салдырып киткәннәр, ә артларыннан асфальттагы чокырны ямарга башларына килмәгән. Караңгыда берәрсе абынып аягын авырттырыр дип кем уйлап карасын инде?!