Казанның Бауман урамында бушлай Wi-Fi эшли башлады

Фото: © Салават Камалетдинов / «Татар-информ»

Бу хакта дүшәмбе киңәшмәсендә Казанның Вахитов һәм Идел буе районнары башлыгы Альберт Салихов сөйләде.

"Бауман урамында видеокүзәтү камералары урнаштырылды һәм ситуацион үзәк булдырылды. Бу безгә хокук бозуларны реаль вакытта күзәтергә һәм аларга тиз реакция күрсәтергә мөмкинлек бирә. Төп урамда йөрүчеләр өчен бушлай Wi-Fi барлыкка килде. Хәзер һәрвакыт элемтәдә булып, Казан турында тәэсирләрегезне социаль челтәрләрдә уртаклаша аласыз", – дип белдерде Салихов.

Шулай ук, аның сүзләренчә, узган елда Казан үзәгендә 38 мөһим бинаның фасады һәм 200дән артык керү төркеме яңартылган. Шәһәрнең тарихи йөзен саклап калуга аерым игътибар бирелә.

"15 мәдәни мирас объектында реконструкция эшләре тәмамланды, тагын 15 башка объектта дәвам итә. Иң зур проектларның берсе – Бауман урамындагы Щеткин йортын реставрацияләү", – дип билгеләде Салихов.

Район башлыгы сүзләренә караганда, капиталь ремонт кысаларында узган елда 48 күпфатирлы йортның фасады яңартылган.

Элегрәк Салихов Вахитов һәм Идел буе районнарында 358 мең квадрат метрдан артык торак төзелеп, файдалануга тапшырылуы турында хәбәр иткән иде. Башка сәүдә мәйданчыкларында да эшләр алып барыла. Югары дәрәҗәдәге гастрокомплекс булырга тиеш булган Идел буе базарының эскиз проекты килештерү уза. 10нчы микрорайонда һәм Мәүлүтов базарында ремонт тәмамлану стадиясендә, аннан соң сәүдә павильоннары заманча кыяфәт алачак.

Вечерняя Казань