Казан аэропортына ашыгыч ярдәм машиналарының килү сәбәбе билгеле булды

Анда «җаваплы хезмәтләр» өйрәнүләре уза.

«Казан» аэропортында хәбәр ителгәнчә, һава гаване штат режимында эшли: «Аэропортта куркыныч вакыйгалар булмады».

Гадәттән тыш хәлләр министрлыгының Татарстан буенча Баш идарәсендә ведомствога бернинди хәбәрләр килмәвен билгеләп үттеләр. ТР сәламәтлек саклау министрлыгында шулай ук гадәттән тыш хәл турында хәбәрләр алмадылар, дип белдерделәр.