Казан егете курьер рәвешендә пычак белән фатирга бәреп керә һәм хуҗаларны талый

Кичә Казанда Петербург урамында урнашкан йортның фатирына курьер рәвешендә билгесез кеше бәреп керә, хуҗаларга пычак белән һөҗүм итә һәм аларны талый. Бу хакта РФ Эчке эшләр министрлыгының Казан буенча идарәсе матбугат хезмәте башлыгы Рафаэль Сәгъдиев хәбәр итте.

Зыян күрүчеләр «Вишневский» полиция бүлегенә мөрәҗәгать итеп, иренә посылка тапшыру тәкъдиме белән чит ир-атның фатирга керүе хакында сөйли. Һөҗүмче үзен курьер дип таныта. Гаиләгә пычак белән янап, ул телефон таләп итә, шуннан соң кача.

Әлеге факт буенча «торакка законсыз үтеп керү белән кылынган талау» маддәсе буенча җинаять эше кузгатылган

"Хәзерге вакытта җинаятьчене билгеләү һәм тоткарлау буенча чаралар үткәрелә", - дип ачыклык кертте Рафаэль Сәгъдиев.