Кайбер авылларның бердәмлегенә, активлыгына шаклар катам

Күрше районда яшәгәч, газетагызны алдыра алмыйм, шулай да «Яшел Үзән»нең социаль челтәрләре аша бар яңалыклар белән танышып барам.

Кайбер авылларыгыз­ның бердәмлегенә, активлыгына шаклар катарлык бит. Иртә яздан өмәләр башлана, зират тирәсен яз-көз чистартып торалар. Авыл урамнарына, паркларга чәчәкләр утырталар, клуб хезмәткәрләре нинди генә бәйрәмнәр уздырмый. Шуларны укыйм да, без дә яшибез инде дип, гаҗәпләнәм.

Афәрин, яшел үзәнлеләр. Алга таба да шулай актив булып, авылларыгызны яшәртү өчен җан атып торыгыз!