Юл-транспорт һәлакәте нәтиҗәсендә Яшел Үзән спортчысы һәлак булган

ТР Яшел Үзән районы администрациясендә хәбәр итүләренчә, 4нче спорт мәктәбе тәрбияләнүчесе Милена Малюшкина Татарстанда 400 метр дистанциядә кышкы сезон лидеры булган, 10 тапкыр мактау пьедесталына күтәрелгән. Июнь аенда 20 яшькә кадәрге кызлар арасында Идел буе федераль округы беренчелегендә икенче урынны яулаган.

Бу безнең шәһәр һәм республика спорт җәмгыяте өчен зур югалту. Миленаның туганнары һәм якыннарының кайгысын уртаклашабыз.