Җиләк жыю тәмен белә авылларда туганнар!

Җиләк җыю – рәхәт эш ул,
Әгәр булса җиләге.
Озакламый, көттермичә
Тулып торса чиләгең.

Җиләк җыю – бик күңелле,
Күкне яктыртса, кояш.
Ярышып бергә җыярга
Яныңда булса кулдаш.

Җиләк җыю – кирәкле эш,
Бай булыр табыннарың.
Синең белән сөенерләр
Балаң, дус, туганнарың.

Җиләк җыю – рәхәт кәсеп,
Тирә-юнең гел чәчәк.
Кошлар сайрап, күбәләкләр
Очып ямьнәр бирәчәк.

Җиләк җыю – рәхәт эш ул,
Тыныч булсын дөньялар!
Җиләк жыю тәмен белә
Авылларда туганнар.

Жиләк җыю – бик рәхәт эш,
Сабырлар итә белсәң.
Таңннан торып, болын-кырга
Җиләк жыярга кил син!

 

Сөмбелә Абдуллина.
Бишнә

Чулпан Гыйсмәтуллина фотосы