Игътибар!!! Татар Танаенда бүген җыелыш

Запас азык-төлек һәм медикаментларның булуы, өйләр һәм ишегалларын су баскан очракта эвакуация пунктларының әзерлеге тикшереләчәк. Мамадыш-Әкил авыл җирлеге башлыгы Фәнис Мирхәтуллин сүзләренә караганда, тиешле барлык чаралар уздырылган. Алдан санап үтелгәннәрдән тыш, канаулар казылган, кинәт җылытып Татар Танае территориясенә су басу куркынычы янаганда, халыкны эвакуация пунктына күченү өчен техника әзер. Фаразлар буенча, әгәр дә һава температурасы кискен югары күтәрелмәсә, быелгы ташу торак йортларга зыян салырлык булмаячак.