Яшел Үзәннең яшь шагыйрьләрен көз илһамландыра
Шагыйрьләрнең ел саен үткәрелә торган очрашулары «ЮЛА» балалар әдәби берләшмәсе тарафыннан Яшел Үзән районының үзәкләштерелгән китапханә системасы белән берлектә үткәрелә.
Шигъри турнирларда 14 яшьтән 25 яшькә кадәрге яшь шагыйрьләр катнаша.
Быел Горький исемендәге мәдәни үзәк китапханәсендә узган очрашуда медицина көллиятеннән һәм шәһәр лицейларыннан, мәктәпләреннән 7 яшь шигырь авторы катнашты.
Катнашучылар шагыйрьләренең әсәрләрен белү, иң яхшы шигъри импровизация һәм башка турнирларда ярышты.
Дүрт турнир һәм супер уен нәтиҗәсендә Яшел Үзән медицина көллиятенең 2нче курс студенты Милена Вәлиева җиңүче булды, ә махсус призны Пушкин исемендәге 9нчы лицейдан Мария Хорина алды.
Жюриның даими әгъзасы, Казан шагыйрәсе Лаида Нежная сүзләренчә, мондый конкурслар яшь авторларга иҗади сәләтләрен күрсәтергә һәм яңа илһам чыганаклары табарга ярдәм итә.
Зеленодольск Бердәм Россия яшь гвардиячеләр җитәкчесе Адель Балытников билгеләп үткәнчә, шигъри көч сынашуда катнашучыларның барысы да бик лаеклы чыгыш ясаган һәм иң яхшысын сайлап алу авыр булган. Ул барлык конкурсантларга уңышлар теләде һәм аларны киләсе очрашуларда катнашырга чакырды.
Следите за самым важным и интересным в Telegram-каналеТатмедиа
Нет комментариев