Яшел Үзәндә хуҗасыз этләрне аулауга 10 млн сум бүлеп бирәчәкләр

Тиешле тендер дәүләт сатып алулары сайтында бастырылган.

Йортсыз хайваннар өчен шартнамә шартлары буенча ветеринария хезмәтләре күрсәтү каралган, моңа котыру авыруыннан һәм дегельминтизациядән вакцинация дә керә. Ташланган хайваннарны стерилизацияләүгә һәм аларны алга таба яңа гаиләләргә урнаштыруга аерым игътибар бирелә.

Хайваннарны аулаганнан соң приютларга җибәрәләр, анда алар карантинда 10 көн дәвамында булырга тиеш. Бер хайванга хезмәт күрсәтү бәясе 4 мең сумга якын. Алдагы тендерларга караганда, башкарма комитет бу максатларга гомумән алганда 8,2 миллион сум бүлеп биргән. Беренче тендер 2024 елның декабрендә 5,2 миллион сумга, ә икенчесе, шундый ук шартлар белән, 2025 елның ноябрендә 2,9 миллионга узган. Ике тендерның да җиңүчесе "Кот и пес" хәйрия фонды булды.