Яшел Үзәндә «Волна» микрорайонында газ җибәрү тантанасы узды

Төзелгән газүткәргечләрнең гомуми озынлыгы 3 мең метр тәшкил итә.

Газны җибәрү тантанасында Татарстан Республикасы сәнәгать һәм сәүдә министры Олег Коробченко, Яшел Үзән районы башлыгы Михаил Афанасьев, «Газпром трансгаз Казан» ҖЧҖ генераль директоры Рөстәм Усманов, «Газпром межрегионгаз Казан» АҖ генераль директоры Айдар Таһиров, «Газпром газификация» ҖЧҖ генераль директоры урынбасары Александр Затонских, Яшел үзән халкы катнашты.

- «Волна» микрорайонында күп балалы гаиләләр яши һәм барлык төр коммуникацияләрнең булуы мөһим. Яңа ел алдыннан бу безнең өчен зур бәйрәм, без республика җитәкчелегенә һәм Газпормга әлеге чын халык программасын тормышка ашырганнары өчен рәхмәтле, - дип билгеләп үтте Михаил Афанасьев.

Тантанадан соң кунаклар күп балалы Таловлар гаиләсенә кунакка керде.