Яшел Үзәндә Татарстан урамының 34нче йорты янында, кар көрте эчендә хатын-кыз табылган

Шуларның 757се – шәһәрдән, 532се районнан булган. Стационарга 375 кеше китерелгән: 277се – шәһәрдән, 98е – районнан.

Татарстан урамының 34нче йорты янында кар көрте эчендә бөтен тәне өшегән кома хәлендәге 63 яшьлек хатын-кыз табылган. Аны медиклар реанимациягә китергән.

Медикларны Королев урамында эт тешләгән 3 яшьлек кыз янына чакыртканнар. Зыян күргән бала травматологиягә китерелгән.

Степная урамында билгесез кешеләр кыйнау­дан баш мие җәрәхәтләнгән 39 яшьлек исерек хатын-кызга медиклар ярдәме таләп ителгән.

Әйшәдә петарда шартлау нәтиҗәсендә 36 яшьлек исерек ир-атның бармакларына нык зыян килгән. Аны башта медиклар Яшел Үзәндәге хирургиягә китергәннәр, аннан соң Казанның 7нче дәваханәсенә алып киткәннәр.

Шәһәрнең Казанская тукталышында бөтен тәне өшегән 44 яшьлек исерек ир-ат табылган. Аны терапиягә китергәннәр.

Фрунзе урамында таудан ватрушка белән шуганда 15 яшьлек яшүсмер җәрәхәтләнгән. Аның аягы сынган булган. Зыян күрүчене травматологиягә алып килгәннәр.