Яшел Үзәндә Гражданнар оборонасы буенча бөтенроссия штаб күнегүләре узды

Яшел Үзән район үзәк хастаханәсе белгечләре хастаханәнең баш табибы Рамил Мөзамәтдинов җитәкчелегендә Яшел Үзән җылылык челтәрләре территориясендә гадәттән тыш хәлләрне бетерүгә әзерлекләрен күрсәтте.

Легенда буенча: предприятиедә котельный бинасы җимерелде, миче шартлады һәм янгын чыкты. Зыян күрүчеләр дә бар. Территориягә җитәкчеләре белән Гражданнар оборонасының 12 хезмәт командалары килде. Һәркем әзерлек турында хәбәр итте.

- Татарстан Республикасы җитәкчелеге тарафыннан Яшел Үзән районы алдына куелган бурычлар штаб күнегүләрен үткәрү барышында тулы күләмдә үтәлде. Предприятиеләр һәм оешмалар тулы составта җәлеп ителгән. Үзләренең барлык бурычларын беләләр, тәртип буенча эш итәргә әзер, - дип билгеләп үтте Яшел Үзән районы буенча ГО һәм гадәттән тыш хәлләр идарәсе башлыгы.

Яшел Үзән үзәк район хастаханәсе