Яшел Үзәндә 2 бала әбигә ташланган

Социаль челтәрдә Яшел Үзән урамында ике баланың бер әбигә сугулары турында видео пәйда булды. Йорт ишегалдына йөргән өлкән яшьтәге апага бәйләнүләре башка сыймаслык хәл. Бот буе балаларга шуның кадәр явызлык, әшәкелек кайдан килә икән соң? Кечкенәдән өлкәннәргә карата игътибарлы һәм ихтирамлы булырга, исәнләшергә, җәмәгать транспортында урын бирергә өйрәтәбез бит инде. Димәк, бу гаиләләрдә тәрбия – ноль. Үзләренең әби-бабайларына һәм әти-әниләренә шулай ташлансалар, ни диярләр икән?!

«Әйтәм әле» рубрикасына килеп ирешкән хәбәр.

Кадерле укучыларыбыз! Сез дә, борчыган проблемаларыгыз турында 5-68-03 телефонына шалтыратып, редакциябез хезмәткәрләре белән бүлешә аласыз.