Яшел Үзән районының «Мирас-Наследие» сәламәтләндерү лагерендә «Айбагыр» XV юбилее узды

Автор, 31 июль 2026 - 12:05

Зеленодольск муниципаль район башлыгы, Зеленодольск мэры Михаил Афанасьев Татарстан Республикасы Керәшен иҗтимагый оешмасы рәисе Иван Егоров һәм РФ Дәүләт Думасының икътисади сәясәт комитеты рәисе Максим Топилин белән бергә балалар белән аралашты.

❮ ❯

Яшел Үзән районының «Мирас-Наследие» сәламәтләндерү лагерендә «Айбагыр» XV юбилее узды

Юбилей уңаеннан катнашучылар «Айбагыр»ның яшел аллеясында 15 миләш агачы утыртты.

- Ел саен этнолагерь үткәрү традициясе районыбызның Ильинское авылындагы «Мечта» сәламәтләндерү лагерендә башланып киткән иде. 2022 елдан, Татарстан Рәисе Рөстәм Нургали улы Миңнеханов ярдәме белән «Мирас-Наследие» лагере яңартылганнан соң, «Айбагыр» этнолагере тагын да яңа төсмерләр белән баеды.
Лагерь дәвамында балалар туган мәдәниятен, гореф-гадәтләрне өйрәнә, туган тел буенча белемнәрен һәм сөйләм күнекмәләрен камилләштерә.
Быел биредә Татарстан Республикасының 15 районыннан һәм Россиянең 4 шәһәреннән килгән 104 бала катнаша.
Отрядлар бик матур чыгышлар әзерләгән. Балалар безгә күтәренке кәеф бүләк иттеләр һәм истәлеккә үзләренең кепкаларын тапшырдылар.
Рәхмәт сезгә, балалар! Сезнең белән горурланабыз!
Бәйрәм белән! – дип билгеләп үтте Михаил Афанасьев.