Яшел Үзән районында җәяүлене бәрдергән шоферга юл хәрәкәте кагыйдәләрен бозган өчен бер ел эчендә 80 тапкыр штраф салынган

Исегезгә төшерәбез, Йошкар Ола - Зеленодольск автоюлының 122нче километрында җәяүлене бәрдергәннәр иде. 

Казан техникумнарының берсендә укучы 21 яшьлек «ВАЗ» автомобиле йөртүчесенең машина йөртү стажы нибары 1 ел гына һәм шул вакыт эчендә ул:

• юл хәрәкәте кагыйдәләрен бозган өчен 80 тапкыр җаваплылыкка тартылган,
• шуларның 55е - тизлек режимын бозган өчен,
• 18е - иминлек каешын эләктермәгән өчен,
• һәм 1се - каршы як полосага чыгу өчен.

Моннан тыш, ул 4 тапкыр «тонировка» өчен җаваплылыкка тартыла. Агымдагы елның май аенда кабат кагыйдә бозган өчен, суд карары буенча ул 2 тәүлеккә кулга алынган

Моннан тыш, юл-транспорт һәлакәтенә берничә минут кала камералар әлеге автомобильнең 126 км/сәгать тизлек белән йөрүен теркәгән.