Яңа закон

15 майда махсус хәрби операция вакытында һәлак булган һәм хәбәрсез югалган гражданнарны тану процедураларын гадиләштерү турында закон үз көченә керәчәк.

Әгәр алты ай эчендә хәрби часть командиры яки башка вәкаләтле вазифаи зат кешенең табылуы турында мәгълүматны аның гаилә әгъзаларына тапшырмаса, гражданинны хәбәрсез югалган дип тану мөмкин булачак.

Әгәр кеше үз тормышына куркыныч янаган шартларда хәбәрсез югалган булса һәм мондый шартлар барлыкка килгәннән соң алты ай эчендә аның кайда булуы турында мәгълүмат булмаса, ул кызыксынучылар белдерүе буенча үлгән дип игълан ителергә мөмкин. Шулай ук, әгәр кешене югалган дип танысалар һәм бу карар законлы көченә кергәннән соң өч ай узса, ул үлгән дип танылырга мөмкин.