“Иң матур авыл йорты” конкурсына тавыш бирү башлана

Хөрмәтле укучылар, сайтыбызны карап, күзәтеп баручылар! Газета ачып җибәргән конкурста барлыгы алты йорт катнаша. Аларның һәрберсе үзенчә матур. Иң мөһиме - капка төпләре чиста-пөхтә, тирә-юне җыештырылган. Мондый йортлар урамны гына түгел, авылларны да бизәп тора. Аннары әйтәләр бит: йорты нинди, хуҗасы шундый - тырыш, уңган, булдыклы. Иртәгә, 17 июньдә, 9 сәгатьтә фотоконкурска килгән йортлар өчен тавыш бирә башлыйбыз. Җиңүче йортта яшәүче хуҗалар турында язмабыз газета битендә урын алачак.