Һәлакәт аркасында «Лада» машинасы юл кырыена ауган

Шуларның 26сында матди зыян китерелгән. 2 юл-транспорт фаҗигасендә зыян күрүчеләр булган. 4 машина йөртүче исерек килеш тотылган.

Столичная урамында «Хендай Крета» автомобилен йөртүче 40 яшьлек хатын-кыз, кагыйдә бозуы нәтиҗәсендә, 24 яшьлек ир йөртүендәге «Киа Сид» автомобиленә юл бирмәгән. Бу бәрелешүдән «Киа Сид»ның пассажиры – 19 яшьлек кыз тән җәрәхәтләре алган. Аны Яшел Үзән район үзәк дәваханәсенә госпитализацияләгәннәр.

Мәскәү – Уфа М7 юлының 747нче чакрымында «Хово» автомобилен йөртүче 31 яшьлек ир каршы юнәлештә басып торган «Лада Приора» автомашинасын бәрдергән. Нәтиҗәдә, «Лада» юл кырыена ауган. Бәрдерелгән автомашинаның күп санлы җәрәхәтләнүләр алган пассажирларын – 55 һәм 38 яшьлек ир-атларны РКБга госпитализацияләгәннәр.