Гоголь урамында җиңел машина йөртүче 14 яшьлек велосипедчыны таптаткан
8-14 июльдә 115 тапкыр юл йөрү кагыйдәсе бозылган. 33ендә матди зыян китерелгән. 3 юл-транспорт фаҗигасендә кешеләр зыян күргән. 6 йөртүче исерек килеш тотылган.
Гоголь урамының 40нчы йорты янында «Ниссан-Террано» автомобилен йөртүче 67 яшьлек ир, ишегалды территориясеннән чыкканда машинасы белән 14 яшьлек велосипедчыга юл бирмәгән. Нәтиҗәдә, велосипедчының кул-аяклары сынган. Аны травматология бүлегенә алып киткәннәр.
Королев урамында «Тойота Старлет» автомашинасын йөртүче 46 яшьлек хатын-кыз машинасын каршы юнәлешкә чыгарып, «ГАЗ-3009» автомашинасы белән бәрелешкән. Нәтиҗәдә, «Тойота» пассажиры – 64 яшьлек хатын-кызның баш мие селкенгән. Аны госпитализацияләгәннәр. Йөртүченең дә бәрелгән урыннары булган.
Йошкар-Ола – Яшел Үзән юлында питбайк йөртүче 27 яшьлек ир, кагыйдә бозуы нәтиҗәсендә, каршыдан килгән «Тойота» автомашинасы белән бәрелешкән. Питбайкчының аяк табанына зыян килгән. Аны госпитализацияләгәннәр.
Следите за самым важным и интересным в Telegram-каналеТатмедиа
Нет комментариев