Гөмбә маринадлау рецепты

Чистарткан, юган гөмбәне тишекле чүмечкә салырга, берничә тапкыр салкын суга тыгып алырга да маринадка салып пешерергә. Моның өчен эмаль кәстрүлгә 75 г су, тоз, аш серкәсе салып кайнатырга. Барлыкка килгән күбекне җыеп алырга. Пешкән вакытта гөмбәдән сок бүленеп чыгачак. Гөмбә кәстрүл төбенә төшә башлагач, 10 г шикәр комы, 2 г лимон кислотасы, 6 бөртек хуш исле борыч, лавр яфрагы, 1 г корица салып, бераз ут өстендә тотарга. Шуннан соң банкаларга тутырып, 0,5 литрлыларны - 20 минут, 1 литрлыларны 25 минут сулы ваннада кайнатырга. Капкачын ябып, кышка сакларга куярга.