Гимназия күренекле татарларын барлады
Яшел Үзән шәһәренең 3 нче гимназиясендә «Күренекле татарлар» музее эшли. Дүртенче ел инде шушы музей кысаларында Яшел Үзән мәгариф идарәсе, Казан федераль университеты, Бөтендөнья татар конгрессы Башкарма комитетының Яшел Үзән бүлекчәсе, «Ак калфак» Бөтендөнья татар хатын-кызлары иҗтимагый оешмасының Яшел Үзән бүлекчәсе белән берлектә, «Үз халкын данга күмгән татарлар» дип аталган төбәкара конференция үткәрелә. Ул күренекле татарлар тормышын, аларның иҗатын, мирасын тирәнтен өйрәнү һәм пропагандалау максаты белән, укучыларда халкыбыз белән горурлану хисе тудыру, әдәби иҗатка омтылыш тәрбияләү юнәлешендә уздырылды.
Конференция быел 21 нче февраль көнне – Бөтендөнья туган телләр көнендә уздырылды.
Россия Федерациясе регионнарыннан: Оренбург, Саратов, Самара,Түбән Новгород, Свердлау, Красноярск, Ульяновск өлкәләре, Дагыстан, Чувашия Республикасы мәктәпләреннән; Яшел Үзән районы мәктәпләреннән укучылар һәм укытучылар катнаштылар.
Коференциягә бик күп кунаклар чакырылган иде:
Конференция актлар залында башланды. Гимназия белән килгән кунакларны директор Ильина Марина Анатольевна таныштырды. Ул гимназиянең уңышлары, ирешелгән нәтиҗәләр турында сөйләп узды. Күпмәдәниятле белем бирүгә аерым тукталды. «Күренекле татарлар» музее күпмәдәниятле белем бирүнең үзәге булып торуы турында сөйләде. Музей нигезендә кызыклы шәхесләр белән очрашу «Аралашу» клубы белән таныштырды.
Конференция эшен секцияләрдә татар һәм рус телләрендә дәвам итте: «Шушы яктан, шушы туфрактан ул», «Күренекле татарлар», «Сәясәт, фән, медицина һәм cпорт өлкәсендә күренекле татарлар», «Әдәбият, мәдәният, сәнгать өлкәсендә күренекле
татарлар». Конференциядә белемле, талантлы, кызыксынучан балалар катнашты. Конференциягә барлыгы 85 эш кубул ителгән иде. Быел эшләр читтән торып та каралды, бәяләнде. Укучыларның эчтәлекле чыгышларын һәйәт әгъзалары - Казан федераль университеты галимнәре, аспирантлары, иңтимагый оешма вәкилләре бәяләделәр. Җиңүчеләргә дипломнар һәм сертификатлар бирелде.
Конференция материаллары җыентык булып чыгачак, һәм КФУ сайтына урнаштырылачак. Конференциянең фәнни җитәкчесе педагогия фәннәре докторы, профессор, Казан федераль университеты Педагогика һәм психология институты мәктәпкәчә белем бирү һәм методика кафедрасы мөдире Габделхаков Валерьян Фәрит улы.
Укучыларның һәр чыгышы мактауга лаеклы иде.
Следите за самым важным и интересным в Telegram-каналеТатмедиа
Нет комментариев