Диспансеризация узыгыз һәм сәламәт булыгыз

Яшел Үзәннең беренче поликлиникасында диспансерлаштыруга нәтиҗәләр ясалды. Ел башыннан биредә барлыгы 6 мең кеше диспансеризация узган. Хәзерге вакытта 4,5 мең кешенң нәтиҗәләре әзер.
 

- Һәр алтынчысында артык шикәр күләме ачыкланган - димәк, аларга шикәр диабеты диагнозы куелырга мөмкин. Һәр бишенче яшел үзәнле гипертоник авырудан интегә, шул исәптән 40 яшькә кадәрге кешеләрдә дә. 300гә якын кешенең холестерины югары, ә билгеле булганча, бу күрсәткечне контрольдә тотмасак, инсультларга, инфарктларга һәм башка авыруларга китерә, - дип аңлата поликлиника мөдире Юлия Долганова.
 

Моннан тыш, онкологиягә шик булган 200дән артык очрак теркәлгән.

Табиблар шәһәр халкына кабат-кабат искә төшерә: авыруны иртә ачыклаганда дәвалану мөмкинлеге күпкә югарырак. Диспансеризация узыгыз һәм сәламәт булыгыз!

Яшел Үзән район үзәк хастаханәсе.