Чит илгә барудан тыелып торырга?

Роспотребнадзор башлыгы Анна Попова россиялеләрне чит илгә сәфәрләрдән баш тартырга яки чит илдә булу вакытын кыскартырга чакырды, дип хәбәр итә ТАСС. 

Попова, чит илләрдә генә түгел, Россиядә дә инфекция белән көрәшнең төп кагыйдәләрен сакларга кирәк: кулларны, битне, борын юлларын юарга, көн дәвамында гаджетларны сөртергә, кешеләр күпләп җыелган урыннарда булганда битлек киеп йөрергә кирәк, дип өстәде. Попова шулай ук аз гына аңлашылмаучылык булса да, медицина ярдәме сорап мөрәҗәгать итәргә кирәк, диде.