«Чиста ил» төбәк партия проекты кысаларында 29 майда Яшел Үзәндә Яшь гвардиячеләр өмәгә чыктылар.

Алар Яшел Үзән халкы һәм шәһәребез кунаклары өчен популяр ял итү урыны булган «шәһәр пляжы»н тәртипкә китерделәр.
Безнең активистлар судан һәм ярдан берничә капчык чүп-чар җыйдылар, шулай ук табигатьне сакларга өндәгән табличкалар урнаштырдылар.
Табличкалар экологик яктан чиста материалдан ясалган, ә аларга язулар рус һәм татар телләрендә башкарылган.
«Бүген без шәһәр пляжы территориясен чүп-чардан чистарттык. Без шәһәребезнең чиста, матур һәм төзекләндерелгән булуын телибез, чөнки Чиста шәһәр үзеннән башлана», - ди Яшь гвардия активисты Гадел Балытников.