Чишмәгә яңа сулыш өрделәр

Авыл активистлары киңәш ләшеп, читтә урнашкан, биек үлән каплап китә язган чишмәне яңартырга ниятлиләр. Ерак булу сәбәпле, аны авылга якынрак китерергә карар кылалар. Шушы территориядә җиләк үстерүче хуҗалык җитәкчесе Айрат Ша һи мәрданов торба бирә. Башка кирәк-ярак өчен авыл халкы акча җыя. Бурасын да алып кайтып урнаштыралар.

– Авыл яшьләре бик актив, интернет аша хәбәрләшеп, хәзер өмә ясап алалар. Изге эшне башлап йөрүчеләр Илнур Сафиуллин, Рәис Гыймадиев, Әхтәм Ибраһимов, Марат Заһидуллинга, аларга теләктәшлек белдергән авыл халкына, булдыра алганча акчасын биргән һәркемгә рәхмәтлемен. Бер чакрым да 300 метрга торба сузылды, хәзер исә тирә-юнен матурлау, чәчәкләр утырту – төп максат, – дип сөйли Олы Яке авыл җирлеге башлыгы Фирая Фәйзуллина.

Менә шулай, һәрвакыттагыча, бердәм булганда шушындый зур эшләрне башкарып чыгуы күпкә җиңел. Афәрин, каратмәнлеләр, изге гамәл башкаргансыз!