«Бу уку - тренировка гына түгел»: Михаил Афанасьев предприятие һәм оешма җитәкчеләренә катгый йөкләмә бирде

Илсця Садыйкова фотосы

Михаил Афанасьев мөрәҗәгате:

«Бүген иртән Татарстанның 8 шәһәрендә, шул исәптән Яшел Үзәндә дә ракета куркынычы игълан ителде. Сиреналар шәһәрдә дә, районның башка торак пунктларында да эшләде. Шунны аңлавыгызны сорыйм: бу уку-тренировка түгел.

Коллегаларыма, идарәче компанияләргә, Торак-коммуналь хуҗалык (ЖКХ) департаментына мөрәҗәгать итәм — моңа җиңел карарга ярамый! Бу хәтта пилотсыз очкыч куркынычы гына да түгел. Ракета куркынычы күпкә җитдирәк йогынты ясый. Күрше төбәкләргә бәрүләр булганын һәм зыян килгәнен без беләбез».

Киләсе адымнар һәм җаваплылык:

• Көч структуралары утырышы: Бүген ТР буенча Эчке эшләр министры Дамир Сатретдинов белән очрашуда бу мәсьәлә тикшерелде. Иртәгә көч структуралары блогының махсус утырышы узачак.

• Җитәкчеләр җаваплылыгы: «Бу факультатив та, уенчык та түгел. Без, җитәкчеләр, иң беренче чиратта үзебез моңа җаваплы карарга һәм кешеләрне үз артыбыздан алып барырга тиешбез», — дип ассызыклады мэр.

Исегездә тотыгыз: Сирена тавышын ишеткәч, паникага бирелмәскә, рәсми мәгълүматларны гына күзәтергә һәм билгеләнгән куркынычсызлык кагыйдәләрен үтәргә кирәк.

Видео: Чулпан Гыйсмәтуллина