БПЛА калдыклары торак йортка төшкән

Фото: ясалма интеллект

Чебоксардагы һөҗүм нәтиҗәсендә берничә йорт зыян күргән, дүрт кеше җәрәһәтләнгән, шул исәптән бер бала. Хәзерге вакытта ашыгыч хезмәтләр куркынычсызлыкны тәэмин итә һәм китерелгән зыян нәтиҗәләрен бетерә, дип хәбәр итте республика башлыгы Олег Николаев:

- Кызганычка каршы, зыян күрүче кешеләр һәм торак йортлар бар. Хәзерге вакытта барлык ашыгыч хезмәтләр көчәйтелгән режимда эшли, оператив рәвештә нәтиҗәләрне бетерә һәм куркынычсызлыкны тәэмин итә.

Чебоксар шәһәренең кайбер магистральләренә вакытлыча чикләүләр кертелде, Хузангай урамы, 8нче йортта (20нче мәктәп) ярдәм итү пункты ачылды. Халыкка кирәкле бөтен ярдәм күрсәтелә, барлык зарарланган торак урыннары торгызылачак.