Бөтен дөньяга танылган татар композиторы вафат

Бөтендөнья танылган композитор, РСФСРның атказанган сәнгать эшлеклесе София Гобәйдуллина 94нче яшендә вафат булды, дип хәбәр итте Казан мэриясе.

"Казан шәһәре мэриясе һәм шәхсән Илсур Метшин Казанның мактаулы гражданы, РСФСРның атказанган сәнгать эшлеклесе, композитор София Әсгать кызы Гобәйдуллинаның туганнары һәм якыннарының тирән кайгыларын уртаклаша", – диелә басмада.

Гобәйдуллина – солистлар, хор һәм оркестр, инструменталь ансамбльләр өчен йөздән артык симфоник әсәрләр авторы. Ул 25 фильмга музыка да язды, алар арасында "Вертикаль" (1967) һәм "Чучело" (1983), "Маугли" һәм "Человек и его птица" (1975).

1991 елдан бирле композитор Германиядә яшәде.

Фото: РИА Новости / Максим Богодвид