Безнең Айгөл - "Ел спортчысы-2019" премиясе хуҗасы
Идел буе дәүләти физик культура, спорт һәм туризм академиясенең “Академия” концертлар залында “2019 ел спортчысы” дигән тантаналы чара узды.
Бүләкләнүчеләр арасында Яшел Үзән кызы да бар иде. «Татарстан Республикасының олимпия уеннары булмаган спорт төрләре буенча иң яхшы спортчы» (хатын-кызлар арасында) номинациясендә Айгөл Ситдыйкова җиңүче булды!
Социаль челтәрләрдәге үз сәхифәсендә Айгөл @ aigul.sitd1kova болай дип язган: "Әнигә, иремә, кызларыма, дусларыма һәм тренерым Иван Крысинга олы рәхмәт!"
Исегезгә төшерәбез, Айгөл пауэрлифтинг белән шөгыльләнә. Ул - өч тапкыр дөнья рекордына ия.
Якташыбызны чын күңелдән котлыйбыз һәм Айгөлгә яңа, зур җиңүләр теләп калабыз!
Следите за самым важным и интересным в Telegram-каналеТатмедиа
Нет комментариев