Беренче канал сайтында хәзер безнең Зөяне дә күрергә мөмкин

"Мондый гадәти булмаган биографияле шәһәр башка табылмас мөгаен", - дип белдерде журналист үз чыгарылышында.

Зөя утравы тарихы, чыннан да, уникаль. Ул 16нчы гасырда башлана һәм хәзерге көнгә кадәр языла. Утрау-крепость, утрау-монастырь, ә соңрак төрмә. 2010 елдан Татарстан Дәүләт Киңәшчесе Минтимер Шәймиев җитәкчелегендә Зөя яңадан торгызыла. Дмитрий Крылов үз программасында бу шәһәр язмышы турында сөйли, утрау осталары һәм храмнары белән соклана.

Программаны Беренче каналның 1tv.ru сайтында карарга мөмкин. Ә утрауны күрмәүчеләр барып карый ала. Татарстанның бу энҗе бөртеген шәхсән үз күзләрең белән күрү кирәк.