Бераз җылытачак

Бүген, 1 ноябрьдә, бераз җылытачак. Бу турыда Гидрометеорология һәм әйләнә-тирә мохитне күзәтү үзәге матбугат хезмәте хәбәр итте.

Төнлә республика буенча 5-10 градус салкын, көндез -2.. +3 градус булыр дип көтелә. Казанда һава температурасы 1-3 градус җылы булачак.

Республикада болытлы һава булачак, явым-төшем көтелми. Төнлә һәм иртән урыны белән томан төшүе ихтимал, диелгән әлеге хәбәрдә. 

Җомга һәм шимбә, 2-3 ноябрьдә, көндез Татарстан буенча һава температурасы 5-6 градус җылы булачак.

«Татар-информ»нан алынды.