Баскетбол буенча ике тапкыр дөнья вице-чемпионы Сергей Бабков вафат

"Новосибирск" баскетбол клубының матбугат хезмәте хәбәр иткәнчә, ике тапкыр дөнья чемпионатының көмеш призеры Сергей Бабков 56 яшендә вафат булган. Соңгы вакытта Бабков "Новосибирск"ның генераль директоры вазифасын биләгән.

"Новосибирск" баскетбол клубы генераль директорлары, Россиянең атказанган спорт мастеры Сергей Анатольевич Бабковның вакытсыз вафат булуы турында тирән кайгы белән хәбәр итә", - диелә хәбәрдә.

Сергей Бабков 1990 елларда Россия һәм Европа баскетболының иң яхшы һөҗүм итүче яклаучыларының берсе. Россия җыелма командасы белән бергә ике тапкыр дөнья чемпионатының көмеш призеры була, Европа чемпионатының көмеш һәм бронза медальләрен яулый.