Башкала урамындагы җир асты кичүен ремонтлау башланды
Мирный микрорайонының күп халкы инде "Мәктәп" автобус тукталышында җир асты кичүенең өлешчә ябылуын күреп өлгергәндер. Биредә ниһаять ремонт эшләре башланды, аны ясауларын сорап күп тапкырлар мөрәҗәгать иткәннәр иде.
Билгеле булганча, бөтен күчешне түгел, ә бер өлешен генә япканнар. Аның буенча йөрергә мөмкин. Төзүчеләр җәяүлеләргә комачауламаслык итеп эшләячәк.
Проект кысаларында, күчешнең керү өлешен, яктыртуны, плитәләрен алыштырачаклар. Шулай ук ливневка канализациясе тәртипкә китереләчәк.
Ремонт эшләре 10 октябрьдә төгәлләнергә тиеш.
Исегезгә төшерәбез, Мирный микрорайонын карап йөргәндә Михаил Афанасьев җир асты кичүенең канәгатьләнерлек булмавына игътибар иткән иде. Анда мэр мәсьәләне җентекләп өйрәнергә һәм юл объектын ремонтлау өчен гариза әзерләргә кушты һәм менә инде боз кузгалды.
Следите за самым важным и интересным в Telegram-каналеТатмедиа
Нет комментариев