Балаларның шуклыгы ашыгыч рәвештә электричканы туктатырга мәҗбүр итә
Балалар шаяруы аркасында ата-аналарны балигъ булмаганнарны карау һәм тәрбияләү бурычларын үтәмәгән өчен җаваплылыкка тарттылар.
Казаннан Арчага барганда Дәрвишләр бистәсенең тимер юл станциясендә машинист ашыгыч рәвештә электричканы туктатырга мәҗбүр була. Сәбәбе: юлларда өч автомобиль покрышкасының булуы. Шулай ук машинист җинаять урыныннан качучы өч баланы да күрә.
Полиция хезмәткәрләре җинаятьчеләрне тиз арада ачыклый. Алар – 4, 5 һәм 6 сыйныф укучылары. Яшүсмерләр, поезд хәрәкәт иткәндә рельсларга салынган покрышкалар аңа ничек тәэсир итәчәген карау өчен, башкарган шуклыкларын таный.
Полиция хезмәткәрләре ата-аналар янында балалар белән әңгәмә уздыра.
Следите за самым важным и интересным в Telegram-каналеТатмедиа
Нет комментариев