Балаларны ялгыз йөртмәгез

9 яшьлек баланы әбисе янына кунакка бер атнага җибәрергә уйлаган идем, озакка түгел, станциягә кадәр ярты көн поездда барырга кирәк. Әмма тимер юл кассасында миңа билет сатудан баш тарттылар, чөнки мондый кечкенә балага ялгыз йөрү тыела. Бу чыннан да шулаймы?

Газета укучыгыз.

Сорауга җавапны «Татарстан Республикасында гигиена һәм эпидемиология үзәге» федераль бюджет сәламәтлек саклау учреждениесенең Яшел Үзән филиалы белгече Надежда Александрович бирә:

– Әйе. РФ Хөкүмәтенең 2021 елның 27 маендагы 810нчы номерлы карары белән расланган тимер юл транспортында пассажирлар, шулай ук шәхси, гаилә, өй һәм эшкуарлык эшчәнлеген гамәлгә ашыру белән бәйле булмаган башка ихтыяҗлар өчен йөк ташу буенча хезмәтләр күрсәтү кагыйдәләренең 29нчы пунктына ярашлы рәвештә, 10 яшькә кадәрге балаларны ерак юлга баручы поездларда өлкәннәрсез йөртү, тимер юл транспортыннан файдаланучы укучыларның гомуми белем бирү оешмаларына бару очракларыннан тыш, рөхсәт ителми.