Балалар бакчасында пычак тоткан ир-атны тоткарладылар

Бүген Казанда балалар бакчасы территориясендә 18 яшьлек кулына пычак тоткан егетне тоткарладылар.

«Татар-информ»га мәгълүм булганча, казанлы наркотиклар кулланган хәлдә була һәм үзен сәер тота.

Аны балаларның әтиләре тоткарлый һәм полиция хезмәткәрләренә тапшыра.

Хәзерге вакытта егетне клиникага алып киттеләр. Полиция хезмәткәрләре әлеге вакыйганың барлык шартларын ачыклый.

Фото: Рәзилә Хәйретдинова, «ЯҮ»