Авылдан килгән кеше төн уртасында кая барырга тиеш?

Сәламәтлегем какшап, ашыгыч медицина ярдәмен чакырырга туры килде. Норлаттан бик тиз килеп җиттеләр, рәхмәт, беренче ярдәм күрсәтеп, Яшел Үзән район үзәк хастаханәсенә алып килеп, медикларга тапшыр­дылар. Система салдылар, тикшерделәр дә, урын юк, ачуланмагыз дип, кайтарып җибәрделәр.

Билгеле, «скорый» авыруларны көтеп тормый, аның башкаларга ярдәмгә ашыгасы бар. Тик авылдан килгән кеше төн уртасында кая барырга тиеш икән соң ул? Ярый ла минем балаларым шәһәрдә яши, килеп алдылар, урамда калмадым. Ә якыннары булмаганнарга нишләргә?