Авылым сандугачы

Бәйгедә һәр авылдан үзешчәннәр катнашып, үзләренең җыр-моңга булган осталык­ларын күрсәтте. Жюри да бик гадел иде, алар - Идел аръягы үзәкләштерелгән клублар системасы җитәкчесе Наил Һарунов һәм музыка мәктәбе укытучысы Алсу Нәҗметдинова. Алар үзешчәннәргә үзләренең төпле киңәшләрен дә бирде.

Безнең халык җыр-моңга бай, кая гына барса да, нәрсә генә эшләсә дә, җыр - аның аерылгысыз юлдашы. Бәйге барышында йөрәк түренең иң нечкә кылларын да тибрәтә алырлык җырчыларыбыз барлыгы ачык­ланды. Тик аларның исемен әлегә атамый торыйк, сер булып калсын. II турга узучыларны яз көне Яшел Үзән шәһәрендә узачак зур концертта бу сандугачларны сез дә күрә алачаксыз.

Лилия Сибгатуллина, Идел аръягы клублар системасының сәнгать җитәкчесе