Һава торышы: Яшел Үзәнне үзенчәлекле сентябрь көтә

Метеорологик статистикага караганда, Арктиканың мондый көчле тәэсире безнең илдә уртача 4-5 елга бер тапкыр була. Әмма бик нык борчылырга кирәкми: салкын август җылы сентябрь белән алышыначак. Аның үзенчәлеге, синоптиклар фаразлаганча, көзнең беренче ае өчен көтелмәгәнчә уртача температура фоны югары һәм явым-төшем аз булачак.

Яшел Үзәндә көз башы гадәти булмаганча җылы булмакчы. Биредә җәйге һава торышының озак вакытлы йогынтысы көтелә. Шуңа күрә сентябрь аенда көз үзен тиз генә күрсәтмәячәк әле.
Синоптиклар фаразлаганча, ай уртасына кадәр термометр баганалары уртача плюс 23-24тә торачак, бераз салкынаю айның икенче декадасында гына булырга мөмкин. Шунысын да билгеләп үтәргә кирәк, метеорологик сводкалар күрсәткечләрендә төрлелек күзәтелә: җылылык сентябрь азагына кадәр дәвам итәчәк дигән фаразлаулар да бар.

Беренче көзге айның 20нче числосы тирәләрендә җылылык 17 градус тирәсендә булачак, бу тыныч һәм уңайлы режимда ял һәм соңгы уңыш җыюны дәвам итәргә мөмкинлек бирәчәк. Шунысын да билгеләп үтәргә кирәк, көз башы коры һәм җилсез булыр дип көтелә: явым-төшем булмый диярлек һәм беренче традицион көзге яңгырлар октябрь башында гына булырга мөмкин.