Армиягә барудан качып йөрүчеләргә җинаять җаваплылыгы каралган

Айнур Сабиров.

- Запаста булмаган гражданнар хәрби комиссариат җибәргән повестка белән билгеләнгән вакытта хәрби хезмәт башланганчы медицина тикшеренүенә, чакыру комиссиясе утырышларына килергә тиеш. Бер сәбәпсез хәрби хезмәткә баруга кагылышлы чараларга килмәгән очракта җаваплылык каралган. РФ Җинаятьләр кодексының 328нче маддәсенең 1нче кисәгенә ярашлы рәвештә, качып йөрүчегә 200 мең сумга кадәр яисә хезмәт хакы күләмендә штраф салыныр­га, яисә ул 2 елга кадәр мәҗбүри эшкә җибәрелергә, 6 айга кадәр арест салыныр­га, яисә 2 елга кадәр ирегеннән мәхрүм ителергә мөмкин, - дип җавап бирә шәһәр прокурорының өлкән ярдәмчесе Людмила Тосакова.