"АНГАМ" җитәкчелеге яшел үзәнлеләрне котлый

Хөрмәтле яшел үзәнлеләр!

Бәракәтле изге бәйрәм - Корбан гаете белән тәбрик итәм! Аллаһ Тәгалә әлеге Бөек көндә кылган гыйбадәтләребезне, укыган барлык хәерле догаларыбызны һәм бигрәк тә чалган корбаннарыбызны кабуллардан кылсын!

Корбан - Аллаһка якын булу дигән сүз. Бүгенге изге көндә, бүгенгедәй изге вакытларда, догаларыбыз кабул була торган мизгелләрдә күңелләребезне игелеккә юнәлтеп, тирә-якка мәрхәмәт күзләре белән карарга өйрәнеп, һәммәбезгә дә Аллаһка якынаерга насыйп булсын.

Бөек Раббыбыз Аллаһ барчабызга да саулык-сәламәтлек, тәүфыйк, һидаят бирсен. Хәерле тормышлар белән гомер итеп, кушканнарын үтәп, тыйганнарыннан тыелып яшәүләрне насыйп итсен.

Мөбарәк булсын изге бәйрәмебез!

Әнвәр Миңнуллин,

"АНГАМ" ширкәте җитәкчесе