Андрей Ларьков Яшел Үзән ярышларында катнашачак

Әлеге ярыш TIMERMAN ярышлары сериясенең соңгы этабы, ә ярышлар узарга тиешле “Маяк” спорт комплексы чаңгычыларның чын Мәккәсе дияргә була. Андрей Ларьковтан тыш узышта төрле рангтагы чиновниклар, Дәүләт Думасы, Дәүләт Советы депутатлары, министрлык һәм ведомство вәкилләре катнашыр дип көтелә.  Шулай ук район башлыгы Александр Тыгин да  үз көчен сынап карарга булды. TIMERMAN да  инде ул үз кеше, берничә тапкыр  катнашты. Гомумән, Александр Васильевич  сәламәт яшәү рәвеше алып барып, төрле ярышларда катнашып һәм  спорт белән даими шөгыльләнеп, яшьләргә үрнәк күрсәтә. Сабада узган TIMERMAN ярышларында үз яше төркемендә дүртенче күрсәткеч күрсәтте.

TIMERMAN узышы турында  аның  рәсми сайтында белергә була – www.timerman.org.

Килегез, кызык булачак!

Ольга Камардина.