Алексей Немов һәм ТР Президенты Мәскәүдә Кызыл мәйданда очрашты

Дүрт тапкыр Олимпия чемпионы Алексей Немов һәм Татарстан Президенты Рөстәм Миңнеханов бүген Кызыл мәйданда очрашты. Республика җитәкчесе билгеләп үткәнчә, танылган спортчы бик яхшы физик формада.

"100 еллыкка әзерләнәбез!" - дип аңлатты спортчы.

ТР Президенты һәм Алексей Немов кочаклашты, шуннан соң спортчы, Рөстәм Миңнехановка кирәк булса, һәрвакыт элемтәдә булуын билгеләп үтте. Элек Олимпия чемпионы Идел буе физик культура, спорт һәм туризм академиясендә мастер-класслар сериясен уздырды.

Татарстан Президенты Рөстәм Миңнеханов бүген Мәскәүдә Татарстан көннәрендә катнаша. Элегрәк ул Александр бакчасында Билгесез Солдат каберенә чәчәкләр салды һәм совет разведчигы Исхак Әхмәровка һәм аның хатыны Хелен Лоурига кабер ташлары һәйкәлен ачуда катнашты.