Яшәеш
Әйтерсең лә бөтен дөнья бүген Галәм яктысында коена...
Рифат Сәлах шигыре.
Кичке шәфәкъ
Шәфәкъ кызыллыгы сүрелмәгән,
Йолдызлары җиргә коела.
Әйтерсең лә бөтен дөнья бүген
Галәм яктысында коена.
Югалган шул шәфәкъ нурларында
Болыннарда янган яшел ямь.
Бүген дөнья бөтен гүзәллеген
Йолдыз яктысына яшергән.
Күк түренә якты баскыч булып,
Җирдән күккә йолдыз үрелгән.
Шәфәкъләрдән якты сер иңәдер:
Шигырь генә тама күңелдән.
Рифат Сәлах
Следите за самым важным и интересным в Telegram-каналеТатмедиа
Нет комментариев