Җаегыз чыкса, Вадим Захаров концертын тамаша кылыгыз әле

Җырчылар күп хәзер, җаның кайсын тели, шуңа бара аласың, сайлау мөмкинлеге зур. Шулай да, җаегыз чыкса, Вадим Захаров концертын тамаша кылыгыз әле. Аңа Татарстанның халык артистын юкка гына бирмәгәннәр, ул бу дәрәҗәле исемгә чынлап та лаек. 

Сәхнәдә микрофон күтәреп зерә вакыт уздырып йөрүчеләрдән түгел. Һәр җыры йөрәккә үтеп кереп, күңелне айкап чыгара торган. Мәгънәле, тыңлап туймаслык, елата да, уйландыра да, көлдерә дә. Балачакка алып кайтып, яшьлек елларын искә төшерде.

 Әнисе турындагы җырларны, гомумән, күз яшьләрсез тыңлау мөмкин түгел.

Сәхнә буйлап маймыл кебек сикереп түгел, ә җырлары белән халык күңелен яулаган җырчы ул!