Административ җәзаның срогы бармы

– Административ җәза билгеләнү турында карар чыгарылып та,  ул ике ел эчендә үтәлмәсә, карар юкка чыгарылырга мөмкин, – дип аңлата бу уңайдан  Яшел Үзән прокурорының өлкән ярдәмчесе Азат Бәдретдинов. – Әмма аның искәрмәләре дә бар. Әйтик, әгәр дә җәзага тартылган зат карарны үтәүдән качып йөрсә, срок озайтылырга мөмкин. Бу кеше үзе, яисә аның табышы һәм әйберләре  табылса, үтәү срогы яңадан торгызыла. Ә инде бу срокны өзү, туктату яисә озайтуга нигезләмәләр булмаса (РФ КоАП 31.9нчы маддәсенең 2-4нче өлешләре), карар (өлешчә яисә бөтенләй үтәлмәгән булса да) гамәлдән чыгарыла.